María Xosé Silvar, máis coñecida como Sés ou SES, nace na Coruña en 1982, é unha cantautora galega de orixe bergantiñá.
Sés é o proxecto musical da cantautora coruñesa María Xosé Silvar.
Unha moza que nunca tivo a vontade de vivir profesionalmente da música.
"Non porque non me apaixone, senón porque o vía moi difícil", recoñece.
Agora é unha das grandes promesas da música en galego. E cunha proposta
moi clara. Ritmos americanos repensados en galego e en feminino, letras
escritas a conciencia e unha actitude enérxica e independente encima e
debaixo do escenario.
E todo comezou en 2007. Xunto con tres amigos creou Chámalle Xis!, un dos grupos revelación daquel ano. Presentáronse a un concurso que apadriñaba Santiago Auserón e non só gañaron, senón que a Sés cambioulle a vida.